Mbretëresha e Danimarkës, Margrethe, ka anuluar pjesën më të madhe të festimeve të 50-vjetorit të saj në shenjë respekti për Mbretëreshën Elizabeth II e cila vdiq të enjten.
Mbretëresha 82-vjeçare, mbretërimi i së cilës tani është më i gjati në Evropë, e ka lavdëruar monarken e ndjerë të Britanisë si “figurë madhështore mes monarkëve evropianë dhe si frymëzim i madh për të gjithë ne”, duke shtuar se të gjithëve “do t’u mungojë tmerrësisht” shumë.
Flamujt në pallatin mbretëror danez në Kopenhagë u ulën në gjysmështizë. Zëdhënësja e shtypit të Pallatit tha se ndryshimet në programin e festimeve u bënë me “dëshirën e mbretëreshës daneze”.