Shenasi Rama është një ndër ish-liderët e “dhjetorit” që prej shumë vitesh jeton në Shtetet e Bashkuara të Amerikës, prej nga nuk kursen kritikat për klasën politike shqiptare.
Në një postim në rrjetet sociale ai ka kujtuar 2 prillin e 28 viteve më parë, në Shkodër, ku u vranë 4 persona. Shoqëruar me një foto nga varrimi i Arben Brocit dhe tre protestuesve të tjerë, ai rrëfen se ka ecur me plumb në dorë, teksa shkruan se në varrim kanë qenë dhe ata “që urdhëruar vrasjen time, edhe ata që ekzekutan dikë tjetër”.
Postimi i Shenasi Ramës:
Kjo ka kene dita e fundit qe kam dale legalisht ne shtetin shqiptar. kam kene ne krye te ketij varrimi te nje krimi te parise (ne bashkepunim me te huajt) ku u vra shoku im Arben Broci dhe tre protestues. kam ece me nje fishek 12.7 mm ne dore te ngritur qe nga monumenti i Pese Heronjve te Vigut e deri ne varrezat e qytetit. kam ece vetem dhe pa mbrojtje. kam dashte qe te tjeret me e dite se fisheku ka kene per mue. ne varrim kane kene edhe ata qe e kane urdheruar vrasjen time, edhe ata qe ekzekutuan dike tjeter… jena pa sy me sy dhe kemi ece secili ne rrugen e vet. edhe kjo eshte nje menyre me rrnue per me tregue.