Pasi doli nga takimi me kryeministrin e Kosovës Albin Kurti, i dërguari i BE-së për dialogun Prishtinë-Beograd, Miroslav Lajçak mohoi se ka kornizë të re të dialogut, e cila u përmend nga presidenti serb Aleksandar Vuçiç.
“Jemi këtu për të shtyrë procesin përpara, takimi do të ndodhë sa më shpejt dhe ky është edhe qëllimi pse jam këtu sot. Ne duam që të sigurohemi që takimi të ketë substancë dhe të jetë produktiv”, ka deklaruar emisari sllovak.
Lajçak tha se janë duke punuar për ta caktuar datën e takimit dhe njoftoi se këtë muaj do ta marrë pjesë në Asamblenë e Përgjithshme të Kombeve të Bashkuara ku pjesëmarrës do të jetë edhe Vuçiq, si dhe Përfaqësuesi i Lartë i BE-së, Josep Borrell.