Është bërë e ditur se Mbreti Charles dhe Camilla do të mbajnë një ngjarje zyrtare për liderët botërorë të dielën, më 18 shtator, përpara funeralit të Mbretëreshës Elizabeth.
Buckingham Palace nuk e ka konfirmuar ende kodin e veshjes për këtë event, ku do të marrin pjesë krerët e shteteve, personalitete të huaja dhe anëtarë të familjes mbretërore. Kjo do të thotë se Princi Harry dhe Meghan Markle, si dhe Princi Andrew, nuk do të jenë të pranishëm.
Në mesin e të ftuarve do të jenë rreth 30 gjak blu nga e gjithë bota, si Princi Philip dhe Mbretëresha Mathilde e Belgjikës, por edhe Princi Albert dhe Princesha Charlene e Monakos. Në këtë aktivitet do të jenë edhe presidenti amerikan, Joe Biden dhe homologu i tij francez, Emmanuel Macron.
Ndërkohë, sipas dokumenteve të siguruara nga Politico, krerëve të shteteve dhe homologëve të tyre nga secili vend thuhet se u është ndaluar të udhëtojnë me helikopter ose me makinat e tyre shtetërore. Në vend të kësaj, ata inkurajohen të fluturojnë në Mbretërinë e Bashkuar me fluturime komerciale dhe do të mbërrijnë e do të nisen me autobus të shoqëruar nga një vend i caktuar në Londrën perëndimore.
Përveç liderëve të huaj, funerali i Mbretëreshës Elizabeth do të mbledhë së bashku edhe të gjithë anëtarët mbretërorë. Funerali është planifikuar të bëhet të hënën