Zv/presidentja e Argjentinës, Cristina Fernández de Kirchner, i mbijetoi një atentati pasi arma e një personi të armatosur u bllokua. Ndaj ajo thotë se është gjallë “për shkak të Zotit dhe Virgjëreshës Mari”. Në komentet e saj të para publike që nga sulmi i 1 shtatorit në Buenos Aires, ajo zbuloi se Papa Françesku e telefonoi të nesërmen për ta ngushëlluar.
“Papa Françesku më thirri shumë herët të nesërmen. Ne po flisnim në telefon dhe ai më tha diçka të tillë: se aktet e urrejtjes dhe dhunës, paraprihen gjithmonë nga fjalët dhe foljet e urrejtjes dhe dhunës”, tha ajo.
Arma nuk shkrepi, por presidenti i Argjentinës, Alberto Fernández, më vonë tha se ishte mbushur me pesë plumba.
