Të paktën 9 persona kanë humbur jetën, ndërsa 4 të tjerë rezultojnë të zhdukur si pasojë e motit të keq që ka gjunjëzuar rajonin Marche të Italisë.
Në mesin e të zhdukurve janë dy fëmijë.
50 persona raportohen të lënduar, të cilët po trajtohen në spitalet e rajonit.
Pamjet e siguruara nga agjencia e lajmeve Reuters tregojnë rrugët e Senigallia, një qytet bregdetar brenda rajonit Marche, të shndërruara në “përrenj”.
Një situatë kritike paraqitet edhe në Barbara, ku disa akse rrugore janë mbyllur.