Funeralet për mbretërit dhe mbretëreshat e Anglisë zakonisht mbahen në kapelën e Shën Gjergjit në Windsor. Elizabeth II theu traditën, për herë të parë, në më shumë se 250 vjet, pasi ceremonia e varrimit të një monarku britanik do të zhvillohet në Westminster Abbey.
Ceremonia e fundit ishte ajo e George II në 1760. Elizabeth II, u nda nga jeta më 8 shtator 2022, prandaj zgjodhi për lamtumirën e saj të fundit vendin më të shenjtë në Londër, abacinë që u ndërtua nga Eduardi III, i njohur si Rrëfimtari (1002-1066), në këmbim të një pelegrinazhi të humbur në Tokën e Shenjtë. Çfarë ndodhi?
MBRETI DHE PAPA. Eduardi u rrit në mërgim, por u betua se kur të arrinte të fitonte kurorën e Anglisë, do të shkonte në një pelegrinazh në Tokën e Shenjtë. Por nuk ndodhi kështu, pasi u bë mbret më 3 prill 1043, ai u detyrua të shkelte premtimin për shkak të angazhimeve të tij qeveritare. Më pas ai i kërkoi Papa Benediktit IX një shpagim, i cili iu dha në këmbim të ndërtimit të Westminster Abbey.
PASURIA E KURORËS. Abacia u themelua në një kishë të mëparshme të shekullit të shtatë dhe u shenjtërua më 28 dhjetor 1065. Pamja e saj aktuale gotike është për shkak të mbretit Henri III, i cili e zgjeroi atë në 1245. Abacia varet drejtpërdrejt nga kurora (Sovrani anglez është gjithashtu kreu i Kishës Anglikane). Kurorëzimi i parë që u bë këtu ishte ai i Uilliam Pushtuesit në vitin 1066, por që atëherë janë zhvilluar shumë kurorëzime të tjera dhe 16 dasma mbretërore.
VARREZA VIP DHE JO VETËM. Abacia dhe kisha e saj janë gjithashtu një tempull, që është një varrezë për VIP-at. Mbi 3,300 personalitete janë varrosur këtu, ose kanë një pllakë përkujtimore, duke përfshirë shkrimtarin Charles Dickens, fizikanin Isaac Newton dhe Ushtarin e Panjohur, një ushtar të paidentifikuar që ra në frontin francez gjatë Luftës së Parë Botërore, trupi i të cilit u soll në shtëpi në vitin 1920.
NJË ABBEY REKORD. Arkitektura gotike e vonë e Kapelës Henry VII, e ndërtuar midis viteve 1503 dhe 1516, është e famshme për abazhurët e varur një markë tregtare e stilit gotik angleze dhe për 95 statujat e shenjtorëve në mure. Në vitin 2013, u instaluan dritare të reja me ngjyra për të zëvendësuar ato të shkatërruara nga një bombë gjermane në Luftën e Dytë Botërore. Motivet e zbukurimeve janë të lidhura me mbretërinë dhe Shën Mërinë. Salla kryesore e abacisë arrihet përmes hyrjes më të vjetër në Angli, që daton në vitin 1050. Edhe këtu, dritaret me ngjyra ndriçojnë zonën ku mblidheshin murgjit u për të marrë vendimet e tyre.
TRASHËGIMI E UNESCO-s. Më shumë sesa për artin, UNESCO ka përfshirë Abbey-n dhe Pallatin e Westminster-it në Vendin e Trashëgimisë Botërore për rëndësinë e tij historike dhe simbolike. Pallati dhe Westminster Abbey janë një nga vendet e pakta në botë që kanë ruajtur funksionin e tyre publik dhe politik për një kohë kaq gjatë.