I pranishëm në New York për Asamblenë e Përgjithshme të OKB-së, kryeministri Edi Rama është takuar këtë të mërkurë, me të dërguarin e posaçëm të BE-së për dialogun Kosovë-Serbi, Miroslav Lajçak.
Lajmin e ka dhënë vetë kreu i qeverisë, në një postim në facebook, ku shkruan “New York-Me mikun e mirë Miroslav Lajčák, për ecurinë e dialogut Kosovë-Serbi”. Takimi vjen në një moment që presidenti serb, Aleksandër Vuçiç ka thënë sesa kohë të jetë ai në pushtet, Serbia nuk do të njohë pavarësinë e Kosovës.
Nga ana tjetër, Vuçiç pranon se Serbia do të ketë pasoja në të dyja rastet nëse e pranon ose refuzon që Kosova të anëtarësohet në OKB, por se ndonjëherë duhen ndërmarrë vendime.
Ditën e martë ka patur një takim me të gjithë liderët e Ballkanit Perëndimor. Diskutimet mes liderëve u fokusuan te lufta në Ukrainë dhe ndikimin që ajo ka sjellë në ekonominë e botës dhe rajonit tonë.