Vrasja e një prokurori që hetoi krimet e trafikut të kokainës dhe grupet kriminale, ka vënë nën hetim edhe shqiptarët. Ai u vra jashtë zyrës së prokurorit publik të Ekuadorit në Guayaquil. Edgar Escobar u qëllua të hënën në mëngjes nga persona të armatosur jashtë ndërtesës ku ai punonte.
Zyra e prokurorit publik, tha se dy të dyshuar u arrestuan gjatë një operacioni policor në një kodër në qytet, qendra tregtare e vendit. Hetuesit nuk përjashtojnë që urdhri i krimit të ketë ardhur nga burgu i Guayaquil.
Mes të hetuarve të Escobar, kanë qenë edhe shqiptarët, të cilët akuzohen se janë përgjegjës për ngarkesa me tonelata kokainë që përfundojnë në portin e Durrësit. Shqiptarët kanë filluar të fitojnë aq shumë terren në Guayaquil, sa kanë filluar eliminimet e tyre fizike për shkak të kontrollit të tregut të kokainës.