Në takimin e zhvilluar këtë të premte me përfaqësues të Bashkimit Europian në kuadër të projektit të BE-së, EU4LEA për zbatimin e ligjit, kreu i Prokurorisë së Posaçme, Arben Kraja tha se SPAK-u do vijojë të jetë bashkëpunues në arritjen e objektivave.
Po ashtu Kraja thotë se institucioni që ai drejton është duke hetuar raste të rëndësishme të pastrimit të parave dhe korrupsionit. Më tej ai u angazhua se institucioni që ai drejton do të hetojë në mënyrë objektive të gjitha rastet që dhe do të japë rezultate.
“SPAK është tani e konsoliduar si strukturë dhe është në një fazë delikate që të kapërcejë problemet e fillimit dhe të japë produktin e nevojshëm. Situata është që të gjithë janë tepër intensivë dhe aktivë në ushtrimin e detyrës. Kemi shumë hetime të rëndësishme në vijim për pastrimin e parave, korrupsionin dhe tani është momenti të ecim përpara. Niveli që kemi arritur në bashkëpunim është rritur në mënyrë të vazhdueshme. Kemi 20 skuadra të përbashkëta hetimore që kryejnë hetime me vendet e BE-së”, tha Kraja.