Kreu i Partisë Demokratike, Sali Berisha në konferencën e përjavshme me gazetarët nga selia blu, tha se kryeministri Edi Rama goditi sistemin TIMS me hakera nga Rusia dhe Serbia. Po ashtu Berisha hedh akuza se shkatërrimi i sistemeve është bërë për të zhdukur prova që ekzistojnë mbledhjet e tmerrshme të krimit për Edi Ramën, Ballë, Gjiknurin, Veliajn dhe qeveritarë të tjerë.
“Shkatërrimi i këtyre sistemeve është bërë me qëllimin e vetëm për të zhdukur provat që ekzistojnë mbi lidhjet e tmerrshme të krimit, për Edi Ramën, Taulant Ballën, Damian Gjiknurin, Erion Veliajn dhe qeveritarë të tjerë. Duke asgjësuar të dhënat e këtyre sistemeve, janë asgjësuar provat materiale të pakontestueshme të këtyre lidhjeve.
Edhe në rast se prokuroria, për aksident ka në diskonim në dosje të dhëna të tilla, ato validizohen vetëm duke u gjetur në arkivën e tyre. Dënoj këtë akt, ndër më të papërgjegjshmit dhe më të rrezikshmit. Sot gjurmët e gishtave të çdo shqiptari janë në çdo vend që dëshiron t’i ketë.
Sot, asgjë, asnjë urdhër nuk mund të zbatohet më, bazuar në dokumentim shkencor. E sigurt është se ky është një bashkëpunim qeveritaro-policesk, ky është një operacion i paprecedent në ndonjë vend, përveçse në shtetin e mafias, në Shqipëri”.