Kandidati i mundshëm i Partisë Socialiste për Bashkinë e Kukësit, Safet Gjici, në një postim të tij shprehet se të premten Kryeministri Rama do të jetë në qytetin e Kukësit, në kuadër të takimeve “Bashkia që duam”. Ai radhit investimet dhe projektet që mazhoranca aktuale ka për këtë trevë.
Postimi i plotë i Gjicit:
Ftoj të gjithë banorët e Kukësit, kudo që ndodhen, që të bëhen pjesë e takimit që do realizohet këtë të premte, ku do jetë i pranishëm edhe kryeministri i Shqipërisë z.Edi Rama. Takimi do të mbahet në orën 14:30 tek Aeroporti, ku z.Rama do të inaugurojë punimet për rikonstruksionin dhe funksionalizimin e aeroportit të Kukësit.
Ky është një nga investimet më të rëndësishme për Kukësin, që do të sjellë zhvillim ekonomik e social të Kukësit tonë. Si i tillë, prej tij përfitojnë të gjithë, ndaj ju ftojmë të bëheni pjesë e këtij eventi të rëndësishëm.
Aeroporti Ndërkombëtar i Kukësit, do të ketë një investim, ku vlera e rehabilitimit do të arrijë në 8 milionë euro. Do punësohen, fillimisht, 220 persona ndërsa në fazën finale, 12 mijë persona. Fluksi i lëvizjeve parashikohet të arrijë në 300 mijë pasagjerë në vit. Ndërkohë, do të sjellë çmime të ulëta dhe shërbime cilësore.
Në flasim me vepra, jo fjalë boshe dhe përgjumje. Synimi është puna dhe veprat, për Kukësin, jo demagogjia!