“Shqipëria nuk do të ndalet së luftuari për pastërtinë e luftës çlirimtare të Kosovës”,-thotë kryeministri Edi Rama. Kreu i qeverisë ka shpërndarë një pjesë nga fjalimi në Asamblenë e Përgjithshme të OKB-së ku kërkon që të pranohet kërkesa e Shqipërisë për të pasur një tjetër raport dhe për të mos akuzuar pa prova ish-luftëtarët e UÇK-së, të cilët ende sot janë prapa hekurave dhe po gjykohen në Hagë.
“Dhe nuk mundet të mos ndaj një shembull të tmerrshëm. Në vitin 2011 Asambleja Parlamentare e KiE miratoi një raport përpiluar nga Dick Marty ku akuzohej UÇK për krimin e neveritshëm të trafikimit të organeve. Martyn duhej të ishte paguar si tregimtar, por kurrë të besohej. Raporti i tij ishte tronditës.
U shndërrua në faktorin kyç të ushqimit të idesë dhe ngritjes së Dhomave të Specializuar të gjykatës për Kosovën. Çdo përpjekje hetimore u bë gjatë këtyre 11 viteve të gjata për t’i vërtetuar këto akuza, por më kot. Asgjë. Asnjë grim prove a treguesi nuk u gjend askund që kishte të bënte me trafikimin e pretenduar të organeve. E megjithatë, Dhomat e Specializuara kanë arrestuar pa padi Presidentin e Kosovës, Hashim Thaçi.
Ne mendojmë dhe shpresojnë që Asambleja e OKB do të nderojë të vërtetën dhe pranojë kërkesën e Shqipërisë për ta pasur raport vijues, ndërkohë që dëmi është bërë, të ndihmojë të rivendosë besueshmërinë”.