Ka përfunduar proçesi i votimit në Itali. Sipas Ministrisë së Brendshme italiane deri në orën 19:00 pjesëmarrja ka qenë 51.16 për qind. Raportohet për një përqindje te 7 për qind më të ulët se në zgjedhjet e vitit 2018.
51% e votuesve janë gra, ndërsa 2.6 milionë të rritur votojnë për herë të parë.
Presidenti i Republikës Sergio Mattarella votoi në orën 08:45, në shkollën “Giovanni XXIII – Piazzi” në Palermo.
Pritet rezultati i zgjedhjeve për të parë nëse do të ketë një pasqyrim të asaj çfarë është raportuar se mund të kryesojë Melon. Mbi 60.000 qendra votimi janë të vendosura në 22.586 godina, shumica e të cilave janë shkolla.
Sa i përket shpërndarjes gjeografike të votuesve italianë jashtë vendit, shumica e tyre janë në Evropë (2.6 milionë). Pasuar nga Amerika e Jugut, Amerika Veriore dhe Qendrore dhe Afrika, Azia, Oqeania dhe Antarktida (në radhë me pak më shumë se 250 mijë hyrje).