Kim Kardashian ka tërhequr edhe njëherë vëmendjen e të gjithëve në Javën e Modës që po mbahet në Milano për shkak të bashkëpunimit të saj me kompaninë italiane Dolce’n Gabbana duke sjellë koleksionin Ciao Kim.
41-vjeçarja u shfaq në promon e koleksionit të ri të markës italiane teksa konsumonte pasta, video kjo e cila u përdor në ekran teksa modelet ecnin në pasarelë duke shpalosur koleksionin e ri shumë ngjyrësh të shtëpisë së modës.
Në fund të sfilatës Kim Kardashian u shfaq në pasarelë për pak sekonda mahnitëse e veshur me një fustan të zi deri në fund të këmbëve që theksonte linjat e saj. Më herët 41-vjeçarja kishte publikuar video në rrjetin e saj social Instagram për të paralajmëruar koleksionin e ri e verës nën një look alla Marlyn Monroe.
