Një ngjarje kriminale është regjistruar në Greqi, atje ku një foshnjë vetëm katër muajshe është futur në intubim pasi dyshohet se është dhunuar nga babai. 20-vjeçari shqiptar akuzohet për vrasje të mbetur në tentativë, dhunë në familje dhe armëmbajtje pa leje. Mjekët në spitalin e Kalamatës vunë re shenja abuzimi ndaj fëmijës, me dëmtime të rënda në tru dhe mavijosje.
Gjithashtu edhe në shtëpinë e çiftit, policia gjeti kanabis, armë zjarri dhe gëzhoja. Për pasojë, në prangat e policisë ra dhe nëna. Për dy akuzat e fundit u arrestua edhe nëna 20-vjeçare, pasi nga kontrolli i policisë në shtëpinë në Aetos u zbulua një bimë kanabis, një pistoletë dhe gëzhoja.
Gjithçka ndodhi pasditen e së shtunës, kur prindërit e dërguan foshnjën në spitalin e Kyparissia dhe prej andej foshnja u transferua në spitalin e Kalamatës mbrëmjen e djeshme.