Deputeti i Partisë Demokratike, Tritan Shehu e krahason Jozefina Topallin me kryeministren e ardhshme të Italisë, Giorgia Meloni. Për të Topalli mund të ishte Meloni i Shqipërisë.
“Duhet të jem shumë i sinqertë, padyshim që Partia Demokratike kaloi një moment të vështirë, ka rikuperuar shumë, përsëri ka vështirësitë e saj, veçanërisht në nivelin e disa deputetëve. Ne bëmë një trajektore me figura dhe mosha më të reja, por dështuam. Jozefina Topalli mund të ishte, nuk qëlloi të ishte, por aktiviteti politik është i gjatë, nuk është se mbaron me kaq, as për Jozefinën, as për njeri tjetër. Rëndësi ka në disa momente jo vetëm mosha, por edhe energjitë e idetë”, tha ai, duke theksuar se në politikë, mosha nuk ka rëndësi.
Por kush është ky fenomen që do të ndryshojë Italinë? 45-vjeçarja vjen nga lagjet e thjeshta, nuk ka shkollë të lartë, por vetëm arsim të mesëm. Ylli i saj është rritur pikërisht kur në vitin 2011, e dalë nga qeveria Berlusconi, refuzoi të mbështeste qeverinë teknike të Mario Montit, ku mori menjëherë pëlqimin e borgjezisë së lartë italiane. E cila i urren qeveritë me pushtete të forta që vijnë për të shpëtuar arkën e shtetit nga falimenti, dhe i turren evazorëve fiskalë, pra të pasurve.