Kryetari i Partisë Demokratike, Sali Berisha ka zhvilluar këtë të mërkurë një takim me sindikatat, ku nuk i ka kursyer kritikat ndaj qeverisë Rama, të cilën e ka quajtur “makineri gjigante mashtrimi”.
Duke u ndalur të pagat dhe kushtet e punonjësve, sipas Berishës, rrogat nuk janë rritur. Madje, për të, janë 30% më të ulëta se në vitin 2013.
“Unë ju garantoj se s’ka pasur regjim kolonial që të ketë shfrytëzuar një popull të kolonizuar siç shfrytëzon me egërsi Edi Rama dhe qeveria e tij popullin shqiptar. Ju e njihni sesi pasuritë përrallore të shqiptarëve të cilat bëhen miliarda euro me vlerën e tyre janë shndërruar në një mallkim për qytetarët. Rrogat e infermierëve, policëve, mjekëve, ushtarakëve gjatë këtyre 9 viteve për shkak të dyfishimit të çmimeve të produkteve bazë jo që nuk janë rritur por janë 30% më të ulëta se në vitin 2013. Jeni dëshmitarë se çfarë përçmimi mbahet sot ndaj punonjësve në këtë vend.”