Erion Veliaj, që tashmë është konfirmuar nga PS si kandidat për një mandat të tretë në krye të Bashkisë Tiranë, mund të fitojë me 55.4%. Këto janë gjetjet e sondazhit të Eduard Zaloshnjes, publikuar të enjten në Top Channel.
Zaloshnja tha se tashmë që Veliaj është konfirmuar si pjesëmarrës në garë, pavarësisht se kandidati i opozitës nuk dihet ende, ky i fundit do të merrte 44.6 përqind të votave kryeqytetase.
“Veliaj është 10 deri ne 11 pikë para çfarëdolloj kandidati të mundshëm të opozitës” – tha Zaloshnja.
