SHBA-të nuk do ta njohin kurrë përpjekjen e Rusisë për të aneksuar territorin ukrainas. Presidenti rus Vladimir Putin do të deklarojë se katër rajone ukrainase janë pjesë e Rusisë, pas referendumeve të fundit në Luhansk, Donetsk, Zaporizhzhia dhe Kherson, në të cilat sipas Kremlinit votuesit kishin zgjedhur aneksimin.
“Shtetet e Bashkuara, dua të jem shumë i qartë për këtë, kurrë, kurrë, kurrë nuk do t’i njohin pretendimet e Rusisë mbi territorin sovran të Ukrainës”, tha presindeti Joe Biden.
Këshilli i Sigurimit i OKB-së do të votojë sot (e premte) një rezolutë që dënon “referendumin” e aneksimit të disa rajoneve të Ukrainës nga Rusia, tekst që nuk ka mundësi të miratohet për shkak të së drejtës së vetos së Moskës. Takimi do të zhvillohet në orën 15:00, përpara një tjetër diskutimi të planifikuar për rrjedhjet e zbuluara në tubacionet e gazit Nord Stream në Detin Baltik.