Një grua iraniane e quajtur Donya Rad është arrestuar, pasi kishte ngrënë mëngjes pa veshur hixhab.
Informacioni u shpërnda në Twitter nga gazetarja dhe aktivistja iraniane Masih Alinejad.
“Gruaja që postoi këtë foto u arrestua për krimin e ngrënies së mëngjesit pa hixhab! Kjo është historia e tmerrshme e të qenit grua në Iran në shekullin e 21-të.”
“Emri i saj është Donya Rad. Gratë do të vazhdojnë çdo ditë mosbindjen e tyre civile”, shkruan ajo në llogarinë e saj.
Protestat vazhduan në disa qytete anembanë Iranit, kundër vdekjes së 22-vjeçares Mahsa Amini në paraburgim nga policia, e cila u arrestua në fillim të këtij muaji në Teheran për “veshje të papërshtatshme” nga policia e moralit që zbaton kodin e rreptë të veshjes së Republikës Islamike për gratë.
Të paktën 83 persona janë vrarë në gati dy javë demonstrata, sipas një grupi të të drejtave të njeriut.