Në një kohë që Rusia firmosi aneksimin e 4 rajoneve në Ukrainë, Papa Françesku i ka bërë thirrje presidentit rus, Vladimir Putin që t’i japë fund një “spirale dhune dhe vdekjeje”.
Ai bëri thirrjen e tij më të fortë deri më tani për luftën e muajit të shtatë teksa iu drejtua publikut në sheshin e Shën Pjetrit. Papa thekson edhe se është “absurde” që bota po përballet me një kërcënim bërthamor mbi Ukrainën.
Komentet e tij pasojnë komentet e fundit të bëra nga presidenti rus i cili paralajmëroi Perëndimin se ai nuk po bënte bllof dhe se do të përdorte “të gjitha mjetet” në dispozicion nëse territori rus kërcënohet.