Në një takim që patën sot historianë, piktorë, skulptorë dhe specialistë të fushave të tjera u konsultuan për përjetësimin dhe memorizimin e disa figurave të njohura të trevës së Matit dhe gjithë Shqipërisë.
Kryetari i Bashkisë Mat Agron Malaj tha se do të vendosen në mjediset publike të qytetit Burrelit disa elementë monumental, duke vlerësuar kështu disa personalitete të spikatura të historisë tonë kombëtare.
Postimi i Agron Malaj:
Treva e #Matit ka një rëndësi të madhe në historinë e vendit. Ajo shquhet për rolin që ka luajtur në historinë kombëtare dhe për personalitetet e spikatura që ka nxjerrë në shekuj.
Për këtë arsye sot zhvilluam një takim për realizimin e monumenteve historiko-kulturorë në hapësirat urbane të qytetit të Burrelit dhe u ra dakord që të do vendosim këta element monumental.
1. Ansambli monumental “Dera Kastriote”
2. Monumenti “Pjetër Budi”
3. Monumenti “Rexhep Pashë Mati”
4. Monumenti “Gjergj Kastrioti – Skanderbeg”
5. Ansambli monumental “Trashëgimia ilire”
6. Monumenti “Trashëgimia iliro-arbërore”
7. Monumenti “Mbretëresha Geraldinë“
8. Memoriali “Sulë Kurti”.
