94 bashki kërkojnë deputetët e grupit “Alibeaj”, dhe sot disa prej tyre dorëzuan në Kryesinë e Kuvendit, projektligjin për Reformën Territoriale-Administrative.
Dhurata Çupi, bashkëkryetare e Komisionit për Reformën Territoriale, tha se ky projektligj mbron interesat e qytetarëve shqiptar. Çupi nga ana tjetër u bëri thirrje deputetëve të PS-së që ta miratojnë.
“Mendojmë se ky projekt përfaqëson interesat e qytetarëve shqiptarë. Janë të interesuar për të pasur qasjen e bashkive sa më pranë dhe mendojmë se ky projektligj mbron interesat e qytetarëve shqiptar, pasi janë të interesuar të kenë pranë shërbimet publike. Uroj që deputetët e PS të miratojnë një reformë për të mirën e qytetarëve dhe për të mirën publike”.