Sara Hoxha arriti të rrëmbejë zemrat e të gjithëve edhe sonte teksa kërceu në skenën e “Dancing With The Stars Albania”. Ajo mori mbështetje të madhe nga të gjithë por prindërit dhe gjyshja e Ledrit ndodheshin pikërisht në skenë për të suportuar Sarën. Madje, gjyshja e Ledrit u pa edhe paksa e prekur.
Ndërkohë, anëtarët e jurisë kanë patur komente përgjithësisht pozitive për Sarën:
Valbona Selimllari: Ti nuk vjen nga TV, prandaj më ke çuditur mua sot dhe i ke kaluar pritshmëritë. Nëse vazhdon kështu, rrugtimi yt do jetë afatgjatë.
Dalina Buzi: Pas kësaj performance, unë dua ta shoh Sarën në Tv!
Armand Peza: Unë do e kisha shtyrë balerinin dhe do të kisha kërcyer me ty nëse Ledri nuk ka kundërshtim sigurisht…
Kledi Kadiu: Duhet të kesh kujdes me gjymtyrët, pavarësisht se energjia ishte shumë e mirë
Por si i votoi juria Sarën dhe Luixhino?
Dalina Buzi: 6 pikë
Armand Peza: 6 pikë
Kledi Kadiu: 5 pikë
Valbona Selimllari: 5 pikë, në total 22 pikë
Më herët, i vetmi informacion që Sara na dha ishte se projekti në të cilin do të merrte pjesë nuk ishte “Big Brother” pasi nuk e linte dot Poem vetëm për 3 muaj.
“Jemi në diskutime për një projekt, dhe ka mundësi të bëhemi shumë shpejt komshije aty tek Topi, por nuk është akoma e sigurt. Nuk është akoma e sigurt, nuk kam akoma informacione të të jap, por nëse do bëhet do jetë diçka nice. Jo “Big Brother” se Poin nuk e le dot vetëm për tre muaj”, ka thënë Sara.