Kreu i Partisë së Lirisë, Ilir Meta gjykon se me rikthimin e Sali Berishës në krye të PD-së, opozitës po i kthehet dinjiteti.
Ish-presidenti u shpreh se shpreson për një bashkim të opozitës, duke shtuar se para 25 prillit kryeministri Edi Rama e “tërhiqte për hunde” Partia Demokratike.
“Jemi për bashkimin e gjithë opozitës se vendi ka nevojë për këtë. Shohim PD si partner kryesor sepse vijon të jetë forca kryesore opozitare. Para 25 prillit opozitën e tërhiqte për hunde Edi Rama. Vetëm presidentin e Republikës nuk kontrollonte dot. Sot ai nuk mund të kontrollojë më PD. Rama ka zero ndikim në Partinë e Lirisë sepse ne jemi parti e pavarur.”
“Nuk kemi nevojë për marrëveshje, ne në asnjë rast nuk do nxjerrim një kandidat ku do të ketë kandidat PD, ne do mbështesim ata që do zgjedhë PD, nëse do kemi kandidat të caktuar në ndonjë bashki, ekziston dhe mirëkuptimi me degët e PD, këtë çështje do ta bisedojmë por do jenë raste të pakta sepse prioritet është rikthim i fuqishëm i PL në këshillat e bashkive dhe për këtë jemi të angazhuar totalisht.”