Indrit Dokle, një nga personazhet më të njohur të botës së krimit në vend, kunati i tij, Gentian Reçin dhe një person i shpallur në kërkim nga Policia, Fatjon Murati, po udhëtonin të tre në një automjet kur u ndaluan nga Policia.
Pa mbushur ende 24 orë, Dokle dhe kunati i tij Reçi janë lënë të lirë, ndërsa në arrest është mbajtur vetëm Murati.
Për Muratin është prerë fletë-arresti, pasi ishte shpallur në kërkim si bashkëpunëtor i Kristjan Gjinit, 25 vjeç, për ngritjen e një baze armësh në Tiranë.
Policia nuk ishte në kërkim të Dokles, por shoqërimi i tij është bërë për faktin se po lëvizte me një të shpallur në kërkim.