Aktori fitues i çmimit Oscar, Jared Leto, do të interpretojë stilistin e ndjerë Karl Lagerfeld në një film biografik.
“Ndihem sikur ky është një moment përmbushës dhe Karl do të ishte krenar për atë që po bëjmë”, tha Leto për Women’s Wear Daily për stilistin e ndjerë gjerman, i cili vdiq në vitin 2019 në moshën 85-vjeçare.
Leto tregoi shkurtimisht se do të kapte marrëdhëniet kyçe në jetën e Karl Lagerfeld, të treguara përmes një lenteje të paparashikueshme.
“Roli im është ta portretizoj në ekran sa më sinqerisht të jetë e mundur”, shtoi Leto. Në një përpjekje për të nderuar trashëgiminë e Lagerfeld, Leto, i cili do ta prodhojë filmin me partneren e tij Emma Ludbrook, emëroi tre nga partnerët më të afërt dhe më të besueshëm të stilistit të ndjerë si producentë ekzekutivë të filmit. Këtu përfshihet CEO i Karl Lagerfeld, Pier Paolo Righi, zëvendëspresidentja e lartë e imazhit dhe komunikimit të Lagerfeld, Caroline Lebar, dhe asistenti personal i drejtorit krijues të Chanel, Sébastien Jondeau.
Ndonëse mund të jetë një mendim i frikshëm që të portretizosh një nga fytyrat më të shquara të modës në ekran, Leto ka përvojë të gjerë në atë fushë. Fituesi i Golden Globe portretizoi në mënyrë të famshme Paolo Gucci-n në dramën e vitit 2021, “House of Gucci”.
