Planet për të nisur emigrantët shqiptarë me varka drejt Ruandës në mënyrë që të ulet numri i emigracionit në Britaninë e Madhe ka ndezur debate të mëdha.
Përmes një mesazhi në ‘Facebook’ nga qyteti Kigali i Ruhandës, deputeti Ervin Salianji akuzon qeverinë “Rama” se nuk ka asnjë plan për shqiptarët që rrezikojnë të deportohen drejt këtij vendi.
“Qytetarët shqiptarë që emigrojnë në mënyrë të paligjshme, rrezikojnë të përfundojnë këtu në Kigali, Ruhanda. Ministrja e re e Brendshme e Britanisë së Madhe ka thënë qartësisht se po ndiqen procedurat ligjore që azilkërkuesit apo ata që vijnë në mënyrë të paligjshme, sidomos nga vende si Shqipëria, do të përfundojnë në vende si Ruhanda. Qeveria shqiptare sillet në mënyrë të papërgjegjshme duke mos dhënë informacion për shqiptarët dhe duke qene shkaktarja kryesore për shkak të vjedhjes, korrupsionit dhe shkatërrimit të sistemit në Shqipëri, duke e kthyer vendin ku gjithçka është përqendruar në 5 duar maksimumi.”, thotë Salianji në videomesazhin e tij nga Ruhanda.
Salianji shkruan se qeveria nuk ka asnjë plan lidhurme këtë problametikë shumë të madhe.