Ish Sekretari i Përgjithshëm i Ministrisë së Bujqësisë, Vojo Bregu në një postim në Facebook thotë se fondi i dhënë për Universitetin Bujqësor të Tiranës është marrë nga skemat mbështetëse të destinuara për fermerët. Sipas tij, fermerët do të kenë në disppozicion 1 milionë euro më pak.
Ai ka postuar vendimin e qeverisë, ku shkruan se fondet e IPARD, që përmenden shpesh, janë për agropërpunuesit dhe jo për fermerët.
POSTIMI I PLOTE
Tallja me fermerët vazhdon.
Fondi i dhënë UBT prej 1 milion EURO, është marrë nga skemat mbështetëse të destinuara nga fermerët.
Pra nga rreth 4 milion EURO, që është shuma më e vogël që është vënë ndonjëherë ndër vite në dispozicion të fermerëve, ata do të kenë në dispozicion 1 milion EURO më pak.
Deri tani janë VETËM 3 milion EURO. Sa fermerë mund të përfitojnë me 3 milion EURO??
Të presim deri në fund sa do katandisen.
P.S. Fondet e IPARD që përmenden çdo ditë nëpër media, janë për agropërpunuesit dhe jo për fermerët e thjeshtë.