Në një konferencë me gazetarët, nënkryetari i PD-së, Luçiano Boçi ka folur për bashkimin e grupeve në PD për zgjedhjet lokale. Por që të arrihet në bashkëpunim, ai tha se grupi i Alibejat duhet të tërheqi ankimimin në Gjykatën e Apelit për çështjen e statutit të PD-së. “Ankimimi është anti-ligjor. Ne kemi kërkuar jo kusht, por dëshira për bashkëpunim duhet të konkretizohet me veprime konkrete, tërheqja e një ankimi anti-ligjor, sepse kjo i vë një pikpyetje të madhe marrëdhënies. Kandidati është i përbashkët”.
Pyetje: Në ç’pikë janë negociatat mes jush dhe palës tjetër?
Luçiano Boçi: Bisedimet, se nuk ka negociata, nuk kanë munguar. Kemi qenë në bisedime instensive. Do vazhdojmë të bisedojmë se ajo që duam të arrijmë është bashkimi i demokratëve, horizontale është arritur pasi baza është e bashkuar. Do vazhdohen bisedat në nivel deputetësh për të unifikuar grupin parlamentar. Mos të harrojmë se kemi pasur një kërkesë për të ardhur me një draft për Reformën Territoriale dhe Zgjedhore.
Pyetje: Si nënkryetar i PD sa të vërteta i shihni propozimet e grupit Alibeaj, si do të nbdodhë bashkimi kur zoti Bardhi deklaron se bashkimi do të jetë vetëm për zgjedhje?
Luçiano Boçi: Faktet janë ato që konkludojnë idetë, sa kohë kemi fakte që shkojnë në kundërshtim me deklaratat, duhet shoqëruar dhe me veprime reale. Janë proceset ato që i bashkojnë demokratët. Bisedimet të shoqërohen me tërheqjen e ankimimit dhe futjën në primare. Është kusht për deputetët që të jenë pjesë e grupit parlamentare të PD.
Pyetje: Zoti Berisha tha se primaret për bashkitë e mëdha do të mbyllen brenda këtij muaj.
Luçiano Boçi: Jemi duke konkluduar datën më të afërt. Mund edhe të vetpropozohen kandidatët ose të propozohen nga baza.