Kreu i Partisë së Lirisë, Ilir Meta ka përkujtuar me rastin e 91-vjetorit të lindjes, shkrimtarin e madh, të ndjerin Dritëro Agollin. Meta shkruan se ka qenë privilegj dhe se ka qenë me fat për miqësinë shumë vjeçare. Po ashtu lideri thekson se Agolli ka qenë bashkëudhëtar inkurajues në fillimet e rrugëtimit tim politik. Kolosi i letërsisë shqipe Dritëro Agolli, u shua në vitin 2017 në moshën 85-vjeçare.
Postimi i plotë
Sot përkujtojmë 91-vjetorin e lindjes së shkrimtarit të madh Dritëro Agolli, vlerat, veprat dhe kontributi i të cilit e kanë bërë të paharrueshëm për letërsinë shqiptare.
Gjithmonë e kam konsideruar privilegj dhe fat miqësinë shumë vjeçare me Dritëro Agollin, njëkohësisht dhe faktin që ai ka qenë bashkëudhëtar inkurajues në fillimet e rrugëtimit tim politik.
Dritëroi e ndjente se do të na mungonte shumë ndaj edhe përmes këtyre vargjeve na e dha zgjidhjen për ta patur gjithnjë mes nesh përmes veprave të tij.
“Po kur të jesh mërzitur shumë.
Në raft të librave kërkomë,
Atje do të jem i fshehur unë,
Në ndonjë varg a ndonjë shkronjë,
Mjafton që librin pak ta heqësh
Dhe unë do zbres, do vij pas teje;
Ti si dikur me mall do qeshësh,
Si një blerim pas një rrëkeje”.