Dy deputetët shqiptarë, Ervin Salianji dhe Florenc Spaho kanë qenë pjesë e delegacionit shqiptar i cili po merr pjesë në punimet Asamblesë së 145 të Unionit Nderparlamentar që po zhvillohet në Ruanda.
Gjatë debatit në sesion plenar, dy deputetët shqiptarë u larguan në mënyrë demonstrative nga salla, në momentin që fjalën e mori përfaqësuesi i Rusisë, si një akt simbolik për dënimin e agresionit rus në Ukrainë.
IPU është organizatë globale e parlamenteve kombëtare. Ajo promovon qeverisjen demokratike, institucionet dhe vlerat, duke punuar me parlamentet dhe parlamentarët për të artikuluar dhe për t’iu përgjigjur nevojave dhe aspiratave të njerëzve.
Unioni Ndërparlamentar ka për qëllim paqen, demokracinë, të drejtat e njeriut, barazinë gjinore, fuqizimin e të rinjve, veprimin për klimën dhe zhvillimin e qëndrueshëm përmes dialogut politik, bashkëpunimit dhe veprimit parlamentar.