Këtë të premte, invalidët e punës po mbajnë një protestë para Ministrisë së Financave, ku kanë kërkuar plotësimin e një sërë kërkesash nga qeveria. Një invalide nga Korça parashtroi disa prej pikave që kërkojnë që të plotësohen. “Kam ardhur nga Korça, jemi invalidë dhe duam të drejtat tona. Indeksimi i pensioneve të invalidëve të punës në përputhje me të ardhura dhe rritjen e çmimeve. Duam rimbursim të energjisë elektrike dhe lëndës djegëse. Dhënie e 500 lekëshit, e premtuar nga buxheti. Nuk jemi për lëmoshë, por kërkojmë të drejtat tona”, tha ajo. Po ashtu në protestë, por në një vend tjetër, janë edhe pedagogët.
