Përkeqësimi i motit ka shkaktuar përmbytje të mëdha në zonën bregdetare të Agia Pelagia në Greqi.
Një 50-vjeçar është gjetur i pajetë, pasi mjeti me të cilin po udhëtonte u përfshirë nga ujërat e rrëmbyeshëm.
Pak para se 50-vjeçari, baba i dy fëmijëve të mitur, të humbiste jetën, ai po fliste me gruan e tij, por moti i keq vdekjeprurës përmbysi gjithçka.
Gjithashtu, është kërkuar ndihma e rojes bregdetare për gjetjen e personave të zhdukur. Oficerët e Njësisë së Misioneve Speciale të Rojës Bregdetare (KEA) po mundohen të ndihmojnë në hetime.
Probleme janë shënuar edhe në Kretën perëndimore. Në Stavros Akrotiri, në Chania, rrugët janë përmbytur. “Kemi disa fatkeqësi, në një zonë të kufizuar në Stavros. Disa shtëpi janë përmbytur. Kanë ndërhyrë zjarrfikësja dhe forcat e mbrojtjes civile. Pavarësisht fatkeqësive, situata është nën kontroll. Asnjë jetë njerëzore nuk ishte në rrezik”, tha kryebashkiaku i Chania, Panagiotis Simandirakis.