Këngëtari i njohur, Enrique Iglesias ka vendosur të heqë dorë nga trashëgimia e konsiderueshme e babait të tij, Julio Iglesias, veprim i cili ka theksuar raportin e tyre jo aq të mirë.
47-vjeçari refuzoi trashëgiminë e legjendës së muzikës për shkak të distancimit të tyre dhe përçarjes që ka ekzistuar mes tyre prej vitesh.
Ndonëse janë babë e bir dhe konsiderohen ndër artistët më të mëdhenj në botë, realiteti është se përpjekja për t’i afruar ka qenë e kotë. Ata prej shumë vitesh nuk kanë komunikim të mirë.
Enrique e ka bërë të qartë se nuk ka nevojë për trashëgiminë e babait, pasi së bashku me gruan Anna Kournikova ka ndërtuar perandorinë e tij, pa ndihmën e prindërve.
Pasuria e Julio Iglesias llogaritet në më shumë se 800 milionë euro dhe krahas suksesit në muzikë, këtë pasuri e ka arritur edhe si sipërmarrës.