Në festivalin Europian të Këngës ”Eurovision 2023”, Mali i Zi dhe Maqedonia e Veriut nuk do të konkurrojnë, kjo për shkak të kostos së pjesëmarrjes.
Transmetuesit paguajnë një tarifë për të marrë pjesë në konkurs, por shuma ndryshon në varësi të madhësisë së vendit. Disa vendeve u është kërkuar të paguajnë më shumë pasi Rusia u pezullua nga konkursi.
Kostoja totale për të gjithë transmetuesit e përfshirë për të hyrë zakonisht shkon deri në rreth 5 milionë paund, por saktësisht se sa paguan secili pjesëmarrës nuk bëhet publike. Midis 8 dhe 17 milionë paund pritet të paguhet nga ”BBC” për të organizuar festivalin në emër të Ukrainës, që do të mbahet në Liverpool.
Nuk dihet nëse të tillë vendim do ta marrë edhe Shqipëria, ku edhe thirrja nga opozita nuk ka munguar. Në ”Eurovison 2022”, as Shqipëria, Mali i Zi apo edhe Maqedonia e Veriut nuk shkuan në finale.