Dy turistë spanjollë kanë humbur jetën mëngjesin e kësaj të marte kur balona me ajër me të cilën po udhëtonin u ul me vështirësi në Kapadokia të Turqisë.
“Gjatë uljes së balonës, në të cilën ndodheshin 28 pasagjerë dhe dy anëtarë të ekuipazhit, dy shtetas spanjollë humbën jetën, ndërsa tre shtetas spanjollë u plagosën”, deklaroi guvernatori i provincës Nevsehir.
Mësohet se të plagosurit po marrin trajtim dhe ndodhen jashtë rrezikut për jetën.
Dyshohet se aksidenti është shkaktuar nga një rritje e papritur e shpejtësisë së erës.