Katërmbëdhjetë ushtarë të KFOR-it, në mesin e të cilëve edhe pjesëtarët të ushtrisë shqiptare, kanë lëvizur sot në rrugët kryesore në pjesën veriore të Mitrovicës.
Lajmin e bën të ditur e përditshmja serbe Blic, e cila shkruan se shfaqja e tyre ka shkaktuar “shqetësim” në veri të Mitrovicës.
Sipas “Blic”, ushtarët rreth orës 11 janë parë duke vizituar urën kryesore të Ibrit, e më pas janë parë edhe në shëtitoren e pjesës veriore në Mitrovicë. Ushtarakët shqiptarët së bashku me trupat tjera të KFOR-it kanë qëndruar më shumë se një orë.
“Në mesin e pjesëtarëve të KFOR-it ka pasur shumë ushtarët shqiptarë në uniforma. Kanë pasur gradat e oficerëve. Deri më tani nuk ka ndodhur kurrë diçka e tillë. Në rrugën që është shëtitorja kryesore gjenden dhjetëra kafene, e prezenca e oficerëve shqiptarë ka shkaktuar shqetësim”, shkruan e përditshmja serbe.