Më shumë se 500 persona janë arrestuar nga autoritetet turke, pasi dyshohet se kanë lidhje me Fethullah Gulen. Ky i fundit akuzohet nga presidenti i Turqisë, Recep Tayyip Erdogan si organizator të një përpjekjeje për grusht shteti në vitin 2016.
“Janë lëshuar 704 urdhër-arreste dhe 543 persona janë arrestuar”, tha ministri i Brendshëm turk, Suleyman Soylu.
Operacioni, i kryer në 59 nga 81 provincat e Turqisë, kishte në shënjestër strukturën financiare të “organizatës terroriste FETO”.
Erdogan beson se Gylen është iniciatori i përpjekjes për grusht shteti në muajin korrik të vitit 2016.