Interesi për finalet e Botërorit 2022 është i lartë. Biletat e shitura deri më tani sipas të dhënave të FIFA-s janë 2 milionë e 890 mijë për 64 takimet e këtij turneu.
Tifozët nga Katari, vendi mikpritës i turneut, Shtetet e Bashkuara apo Arabia Saudite kanë blerë më shumë. Mes tyre janë edhe Anglia, Meksika, Emiratet e Bashkuara Arabe, Argjentina, Franca, Brazili dhe Gjermania.
Për disa takime nuk ka më bileta, ndërsa për disa të tjera kanë mbetur pak vende të lira. Për disa ndeshje si gjysmëfinale apo finalja paketa për një vend në dhomat VIP shkon mbi 34 mijë dollarë. Parashikohet që gjatë Kupës së Botës në Katar të vijnë rreth 1 milionë e 200 mijë vizitorë.