Pas bojkotit, pedagogët do të mbajnë nesër një protestë kombëtare. Sipas Sindikatës, protesta do të jetë në formën e bojkotit total, përpara godinës së Korpusit Qendror të Universitetit Politeknik, ku do te marrin pjesë të gjitha universitetet publike të vendit.
“Nesër në datë 20 tetor 2022 ora 11:00 do të zhvillohet protesta kombëtare, në formën e bojkotit total, përpara godinës së Korpusit Qendror të Universitetit Politeknik, ku do të marrin pjesë të gjitha universitetet publike në vend.
Ftojmë edhe studentët të japin mbështetje me prezencën e tyre. Le të jemi të gjithë bashkë në këtë hapësirë akademike”, thuhet në njoftim.
