Këngëtarja e njohur, Greta Koçi, ka treguar për të gjithë ndjekësit e saj në ‘Instagram’, se një nga inspirimet më të mëdha për të në moshën 5-vjeçare ka qenë këngëtarja, Adelina Ismajli.
Ajo ka publikuar në llogarinë e saj disa video ku shihet se është duke imituar një nga këngëtaret më të suksesshme shqiptare, bashkangjitur së cilës ajo ka shkruar: ‘Kjo jam unë 5-vjeç duke kënduar dhe imituar një ndër këngët dhe këngëtaret më të dashura, Adelina Ismajli. Shikoni koreografinë dhe çfarë fytyre, ndërkohë që përballë shihja në television Adelinën’.
Në video dallohet Greta në moshë të vogël ku imiton dhe ndjek të gjitha lëvizjet që i shfaqen përballë në televizor.
Ajo ka pohuar gjithashtu se Ismajli është një nga artistet më të dashura për të dhe ka qenë një nga inspirimet më të mëdha për çdo fëmijë të vogël./revistawho.com