Në emisionin “Drejt”, pedagogu në Fakultetin e Inxhinierisë Matematike, Sandër Kovaçi u shpreh se pagat nuk janë kërkesa kryesore e pedagogëve.
Ai tha se kërkesa kryesore është kërkimi shkencor që vendi ynë e ka 10 herë më të ulët se Maqedonia e Veriut.
Kovaçi: Ne nuk kemi problem vetëm pagat sepse janë 9 kërkesa aty. Pagat janë gjëra dytësore. Ne parësore kemi kërkim shkencor që është në gjendje të mjerueshme. Ne kemi kërkuar 0.3%, ndërsa Maqedonia e ka 0.4%. por ne momentalisht e kemi 0.04%, pra 10 herë më të vogël.
Ndërsa me vendet e tjera, e kemi 100 herë më poshtë. Nuk ka kërkim shkencor pa investim. Rama thotë se i kemi pagat e larta, por asistenti im e ka pagën 595 mijë lekë të vjetra. Imagjino një profesor që është specialist që në treg mund të marri 2 milionë, ndërkohë vjen në universitet me 500 mijë lekë, kur mund të punojnë në privat.