Mëngjesin e kësaj të premteje, 34-vjeçari Indrit Ndoji u gjet nga familja i pajetë buzë një rrugë në lagjen “Bakishe Visha” në Fushë-Krujë. Policia tha se në trupin e tij ishte konstatuar një plagë e shkaktuar nga armë zjarri, çka lë të kuptohet se Ndoji është vrarë.
Familjarët shprehen jashtë kamerave se Indriti udhëtonte gjithmonë me biçikletë, gjë që i shtyn të aludojnë se ekzekutimi i tij mund të jetë bërë diku tjetër, pasi biçikleta nuk u gjet në vendngjarje.
Nga ana tjetër, familja mohon të këtë probleme hasmërie. Dyshimet e grupit hetimor janë të fokusura në pistën e ndonjë konflikti të çastit dhe atë të problemeve që ka pasur më herët me trafikun e klandestinëve, vepër për të cilën ka qenë i arrestuar kohë më parë.