Presidenti i Republikës së Italisë, Sergio Mattarella i ka dhënë detyrën e formimit të qeverisë Giorgia Melonit.
Mattarella priti këtë të premte lideren e “Fratelli d’Italia, duke e mandatuar për krijimin e qeverisë së re, ndërsa ka pranuar dhe listën e ministrave që do të jenë pjesë e kabinetit të ri qeveritar.
Matteo Salvini, do të jetë numri dy i kabinetit si dhe ministër për Infrastrukturën, kurse Guido Crosetto do të jetë ministër i Mbrojtjes.
Matteo Piantedosi do të jetë ministër i Brendshëm, Schillaci, ministër i Shëndetësisë, Daniela Santanche është emëruar ministre e Turizmit, Anna Maria Bernini, ministre për Universitetin, Andrea Abodi, ministër i Sportit dhe Rinisë, Giancarlo Giorgetti do të jetë ministër i Ekonomisë.
Betimi do të bëhet nesër në orën 10:00.