Ish-deputeti Asllan Dogjani në një intervistë për RTV ORA, foli rreth vizionit të tij për të drejtuar bashkinë e Kamzës në 4-vjeçarin e ardhshëm.
Ai tha se është i qartë në atë se si do të bëhet Kamza, do të ndërtojë një qytet europian. Gjithsesi ai theksoi se kandidimi i tij do të varet nga primaret.
“Unë kam vendosur të kandidoj për kryetar për bashkinë Kamëz, por fillimisht zhvillohen primaret më 4 dhjetor. Kjo është një gjë shumë e mirë e bërë nga PD. Për herë të parë zgjidhen kandidatë, risi është që votojnë dhe simpatizantët. Kështu nesër do të zgjedhin një kryetar që do t’ju shërbej qytetarëve. Në Kamëz më ka bërë përshtypje marrëdhënia e mirë mes të ardhurve dhe vendasve. Së dyti historia e Kamzës lidhet me ata që kanë ardhur. Nga kolibet me dërrasa është një qytet ku është punuar shumë për Kamzën. Në primare mund të futet kushdo. Unë kam një vizion timin për të ndërtuar Kamzën si një qytet europian”, tha Dogjani