Prej disa kohësh në media kanë qarkulluar informacione se mjeku Ilir Alimehmeti mund të jetë kandidati i Partisë Demokratike për bashkinë e Tiranës në zgjedhjet e ardhshme.
Deri më tani nuk ka pasur asnjë konfirmim zyrtar nga asnjëra prej palëve. I ftuar në ‘ABC News’, mjeku Ilir Alimehmeti është pyetur nëse do të kishte mundësi të fitonte nëse do të garonte për Bashkinë e Tiranës.
Ai ka deklaruar se nuk futet asnjëherë në garë për të mos fituar.
Pyetje: Nëse i futeni garës, do i futeni për të fituar, apo për të bërë një rezultat të mirë në politikë?
Alimehmeti: Në jetën time nuk kam hyrë kurrë diku, për të mos fituar. Është shumë e qartë. Keni disa sondazhe. Nëse do kishte qenë situata, tani po vendos veten nën petkun e dikujt tjetër, zakonisht ai që është në krye të sondazheve nuk është më i lehti për të fituar kundër tij. Arsyeja e parë ka qenë për të hequr vëmendjen nga protesta.