Moti i paqëndrueshëm do të jetë prezent në vendin tonë këtë të premte. Ndikimi i masave ajrore të kushtëzuara me vranësira dhe intervale të shkurtra kthjellimesh vijon kryesisht në zonat veriperëndimore.
Në këto zona do të gjenerohen dhe reshje shiu, që do të vijojnë deri në mesditë. Ndërkohë që pasditja dhe nata do të kenë të njëjtat kushte atmosferike, herë pas here me kthjellime të shkurtra.
Sipas MeteoAlb, temperaturat e ajrit mbeten konstante në mëngjes, ndërsa mesdita do të sjellë rritje, duke bërë që vlerat minimale dhe maksimale të luhaten nga 3°C deri në 24°C.