Edhe këtë të hënë Sali Berisha nga selia e PD-së ka vijuar akuzat ndaj policisë për vdekjen e Lear Kurtit, i cili ndërroi jetë pak ditë më parë pasi u shoqërua nga policia. Berisha duke ju referuar deklaratave të familjarëve në media, tha se nuk ka asnjë dyshim se Lear Kurtit i morën shpirtin xhelatë të veshur më uniformë dhe pasi i morën shpirtin e dërguan në spital.
Sipas Berishës autopsia i është bërë me nxitim dhe pa asnjë prani të familjarëve dhe të avokatëve të tij. Të gjitha këto veprime u shpreh Berisha janë bërë me urdhërin e Edi Ramës dhe Bledi Çuçit. Duke u ndalur tek protesta, Berisha ftoi qytetarët që të vijojnë protestat në mënyrë që krimet mos të përsëriten.
“Të dhënat faktuan se trupi i tij kishte hematoma. Ekspertët denenocuan kryerjen e autopsisë në kundërshitm me ligjin nga nëj bandë që dnte të fshihte të vërtetën e krimit. Lear Kurtit i morën shpirtin xhelatë me uniformë dhe pastaj e dërguan në spital dhe pastaj në kundërshtim flagrant i bënë autopsinë pa prani të familjarëve apo avokatëve të tij si bandë për të fshehur krimin e tyre të shëmtuar. Nëse do të donin të zbardhnin të vërtetën nuk mund të shkelnin procedurën strikte të investigimit në raste të tilla të ngjashme.
Procedurë që kërkon 12 orë të lihet kufoma e të ndjerit dhe pastaj të bëhet autopsia dhe kurrë me një ekspert të vetëm nën preisonin e një banditi si Ardi Veliu, por nga një grup ekspertësh të betuar për të thënë të vërtetën mbi gjetjen e tyre. Të gjitha këto u bënë me urdhër të Edi Rmës dhe Bledi Çuçit. Me urdhër të tyre viktima u deklarua i dyshimtë për kriminel. Po me urdhër të tyre Ardi Veliu deklaroi se policia e çoi të gjallë në spital. Njëlloj si në shpellat e mafies u bë më shpejtësi autopsia për të fshehur të vërtetën. Me urdhër të tyre u gjet dhe qesja plastike me drogë në stomakun e viktimës dhe u tha se vdiq nga overdoza. U vra për së dyti. Autori i vrasjes është Rama dhe Çuçi me kriminelin me uniformë Ardi Veliu”.